* 29. batixabi. aurkezpena (10/05/18)

Maiatzeko jokaldiarekin despedituko du ikasturteko bere jarduna batixabik, hitz eta esapideen jokoak. Aurreko jokaldietan bezala, Kima euskara taldeak

Kima euskara taldeak jokoa asmo batekin sortu zuen: Altsasu eta inguruko herrietako euskaldunen artean gure hizkuntzaren hitz eta esapideak ezagutaraztea, hizkuntza kolokiala aberasteko oinarriak ematea. Irainak ere hizkuntzaren zati dira. Adierazgarri askoa, gainera. Kantuak dioenaren kontra, biraorikan ez duen hizketa garbira, euskarak baditu irainak. Gordin askoak batzuk. Eta zerrenda ez da batere motza.

Irainak aurretik landu izan ditugu joko honen bidez. www.altsasukokima.com-en aurreko jokaldi guztiak dituzu ikusgai. Irainak 16, 18 eta 21 jokaldietan landu genituen. Horretaz gain, aurreneko 13 jokaldietan irainen bat opatuko duzue.

Ikasturtea ixten duen jokaldi honetan 15 irain eman ditugu. Luzera ezberdina dute. Bakoitza dagokion tokian jarriz osatu behar du jokaldia parte-hartzaileak. Ongi egiten dutenen artean Txikitxo dendan gastatzeko 50 euroko txartela zozketatuko dugu. Gaztezulo aldizkarirako bi harpidetza ere zozketatuko ditugu. Ohi bezala, 1.000 txartel banatu ditugu herriko ikastetxeetan eta gazteak biltzen diren tokietan. Maiatzaren 25era arteko epea dago jolasteko.

Berriro ere Kimak batixabi erronka egin nahi du. Altsasuarrei erronka egiten diegu joko molde bera erabiliz beste jokaldi bat asma dezaten. Asmatu eta soluzioak eman ditzaten. Asmatutako jokaldi horiek ere kutxetan sartu edo web orriaren bidez aurkeztu daitezke. Jasotako jokaldi berriak web orrian zintzilikatuko ditugu eta sortzaileen artean Gaztezulo aldizkarirako urte beteko bi harpidetza zozketatuko ditugu. Kimaren aldetik jokatzeko gonbitea egitea besterik ez zaigu falta.

Altsasun, 2010ko maiatzaren 5ean

Kima euskara taldea

www.altsasukokima.com

Laguntzaileak:

Altsasuko Udala    Sakanako Mankomunitatea

www.altsasu.net     www.sakana-mank.com