* Euskarazko piropoen V. lehiaketa. Sarituak. (10/06/03)

Euskaldun altsasuarrek hizkuntzaren alde sortzaile eta lodikoa lantzeko gonbitea eginez Kima euskara taldeak piropo lehiaketa antolatu du. Dagoeneko iritsi da bosgarren edizioak eman duenaren berri emateko. Taberna, ikastetxe eta bestelako establezimenduetan jarritako kutxetan 102 piropo jaso ditugu. Oinarriak betetzen ez zituztenak baztertu egin ditu Kimak, gainontzekoen hautaketa bat dagoeneko www.altsasukokima.com web orrian dituzu irakurgai.

Sariei dagokienez, Kimak izendatutako epaimahaiak originaltasuna, sormena, itzulpena edo moldaketa ez izatea eta iraingarria ez izatea irizpideak izan ditu kontutan epaia ematerakoan. Epaimahaiaren erabakia hauxe izan da:  

Lehen saria egunsenti guztiak zu bezala izanen balira egunero jaikitzea mereziko luke piropoak jaso du. Horregatik, Cristina Fernandez Santanok Fortxo Gozotegiko lote eder bat (tarta, trufak eta pastak) jaso du.

Bigarren saria zu karamelo goxoa, beti nire ahoan piropoarendako da. Bere egilea Nagore Diaz Oiarbide da eta Donibane Gozokiak emandako kilo bat goxoki jasoko du.

Saritutako bi piropoak, haiekin batera aurten aurkeztutako gainontzeko guztiak, baita aurreko lau edizioetakoak, esan bezala, www.altsasukokima.com web orrian daude irakurgai. Haietakoren bati erabilera egokia emanen bazenio, poztuko ginateke. Parte-hartzaile guztiei eskerrak eman nahi dizkiegu.

Piropo lehiaketaren bosgarren edizioa Fortxo gozotegiaren, Donibane goxoki dendaren, Altsasuko Udalaren eta Sakanako Mankomunitatearen laguntzaz antolatu du Kima euskara taldeak. Bizi euskaraz.

Jasotako piropoak 2010

Kima Euskara Taldea

Altsasun, 2010ko maiatzaren 29an

www.altsasukokima.com